TROCOLIBRO SOLIDARIO A FAVOR DE "O MENCER"

 

Queridas familias do CEIP Manuel Rivero:

Por todos é ben sabido que non son moi bos tempos, pero tamén sabemos que a xente de Lalín é moi solidaria.

Por iso vos queremos pedir a vosa colaboración no “I Trocolibro Solidario” a favor da Asociación de Voluntariado “O Mencer”.

- Que é o Trocolibro Solidario?

Trocamos libros por alimentos, produtos de hixiene ou cartos.

Se queres podes levar libros da exposición que está na entrada do colexio, (son libros para levar e non devolver), a cambio de comida non perecedeira, produtos de hixiene ou donacións (haberá uns petos para poder deixar os cartos).

- Cando se pode colaborar?

O alumnado poderá facer o troco ao longo da xornada lectiva.

Os pais, nais e demais familiares ou amigos poderán facer o troco de 9:15 a 13:40 e de 15:35 a 16:00 h.

Do 4 ata o 8 de abril.

Moitas grazas de antemán e saúdos.